Idher To Shehar Ke Ganjey Mairi Talaash Mein Hain
Udher Tamaam Lafangey Mairi Talaash Mein Hain

Main Unn Ka Maal Gaban Ker Ke Jab Say Bhaitha Hoon
Yateem Khaaney Ke Bachey Mairi Talaash Mein Hain

Mila Hai Nuskha Jawaani Palat Ka Jab Say Mujhey
Tumharey Shehar Ke Bhudey Mairi Talaash Mein Hain

Main Jinn Ke Waastey Jootey Chura Le Jail Gaya
Woh Ley Ke Haath Mein Jootey Mairi Talaash Mein Hain

Diya Hai Naam Kafan Chor Jab Say Tum Ne Mujhey
Puraani Qabron Ke Murdey Mairi Talaash Mein Hain

Patey Ki Baat Jo Moonh Say Nikal Gayi Paagal
Tumharey Shehar Ke Pagley Mairi Talaash Mein Hain

0.00 avg. rating (0% score) - 0 votes