Jo samajh mein aaye wo qissa kahani hai
Aur jo na samajh mein aaye, wahi zindagani hai

Na jane kitni uljhane hain zindagi ke har daur mein
Aur jo baat sulajh na paye, wahi pareshani hai

Nafrato’n ke baazar mein mohabbat nahi milti
Aur jo deewaro’n se sarr takraye, bass yahi nadani hai

Ek waqt hota hai apni baat samjhane ka
Aur jo waqt guzar jaye, wahi baat purani hai

Ek arsey se muntazir hoon, un raho’n par
Aur jin raho’n pe manzil na miley, wo raah be-mani hai

Uff ! Zuba’n khamosh hai shakir aisey halaat mein
Aur jo kisi kaam na aaye, wo bekar jawani hai

3.58 avg. rating (70% score) - 12 votes