Pyar ke deep jalanay walay kuch kuch pagal hotay hain
Apni jaan sy janay waly kuch kuch pagal hotay hain

Hijer k gehray zakham milay tu mujh ko ye ehsaas hua
Pagal ko samjhany waly kuich kuch pagal hotay hain

Jaan sy pyary lagon sy bhi kuch kuch parda lazim hai
Saari baat batany walay kuch kuch pagal hoty hain

Khawabon main bhi piya milan ke sapny daikhty rehty hain
Neendon main muskaany waly kuch kuch pagal hoty hain

Is jhooti nagari main hum ny yehi hamesha daikha hai
Sachi baat batany waly kuch kuch pagal hotay hain

Pyar jinhein ho jay phir, chain bhala kab milta hai
Shab bhar ashak bahany waly kuch kuch pagal hotay hein

Apny ujray gulshan sy wo pyar bhala kab kerty hain
Auron ko mehkany waly kuch kuch pagal hotay hain.

5.00 avg. rating (85% score) - 2 votes