Kitni nadan thi wo larki
Jo khiyaloon ki duniya may basti thi
Sochon kay maskan may rehti thi
Wo weraan yadoon kay daman may bandhi rehti thi

Kitni nadan thi wo larki
Jo kitaboon may gum rehti thi
Afsanoo may apna kirdar talashti thi
Kuch na panay ki soorat may udass si ho jati thi

Kitni nadan thi wo larki
Jo apnay hi khiyaloon may uljhi uljhi rehti thi
Janey kiya soochti par kuch bhi na keh pati thi
Duniya kay hangamoo say parey tanhaie may rehti thi

Kitni nadan thi wo larki
Jo apnay ird gird ki duniya say ghabraie hui rehti thi
Aur apnay wajood ko kud hi dudsafi dena chahti thi
Woo sab rastoon pay jati thi aur mur kay wapas aati thi

Kitni nadan thi woo larki
Jo meray dil may rehti thi!

5.00 avg. rating (78% score) - 1 vote