Suno yu’n umar ghat’ti hai
Bohat socha nahin karte

Mohabbat karke aayina,
Bohat dekha nahin karte,

Yu’n hathon ki lakeeron ko,
Bohat chooma nahin karte,

Kisi dil men woh kehta hai,
Bohat thehra nahin karte,

Jo khud apna ho aayina,
Usey dhundla nahin karte,

Jahan tareek sochain hon,
Wahan chamka nahin karte,

Jo aansu dil se ubhre hon,
Unhe roka nahin karte,

Akele khud to rehte hain,
Nahin tanha nahin karte,

Kisi ke hijar mein Arshad,
Bohat jaaga nahin karte,

Suno yu’n umar ghat’ti hai,
Bohat socha nahin karte,

0.00 avg. rating (0% score) - 0 votes