Jo ghair the woh isi bat par humary hoye
Keh hum se dost bahot bekhabr humary hoye

Kisy khabr keh woh muhabbat thi ya rqabat thi
Bahot se log tujhy dekh kar humary hoye

Ab ik hajoom shakista dilan hai sath apny
Jinhen koi nah mila humsafr humary hoye

Kisi ne gham to kisi ne mizaj-e-gham bakhsha
Sab apni apni jagh chara gar humary hoye

Bujha ke taaq ki shamen nah dekh taron ko
Isi janoon mein to barbad ghar humary hoye

Woh aitmad kahan se Faraz laen ge
Kisi ko chor kar woh ab agar humary hoye

0.00 avg. rating (0% score) - 0 votes