Teri batein hi sunanay aaye
dost bhi dil hi dokhanay aaye

phool khilte hein tu hum sochtae hein
teray aanay ke zamaanay aaye

aisi kuch chup si lagi hai jaise
hum tujhe haal sunanay aaye

ishq tunha hai sir-e munzil-e ghum
kaun yeh boojH uthanay aaye

ajnabi dost humein dekh keh hum
kuch tujhe yaad dilaanay aa’e

dil dharakta hai safr ke hungaam
kaash phir koi bulanay aaye

ab tu rounay se bhi dil dukhta hai
shaid ab hosh thikanay aaye

kya kahein phir koi busti ujri
laug kyooN jashun mananay aaye

so raho maut ke pahloo mein Faraz
nind kis waqt na janay aaye

5.00 avg. rating (78% score) - 1 vote