Hai justajoo ke khoob se hai khoobtar kahan
Ab dekhiye theharti hai ja kar nazar kahan

Yarab is ikhtilat ka anjam ho bakhair
Tha us ko hum se rabt, magar is qadar kahan

Ek umr chahye ke gawara ho naish-e-ishq
Rakkhi hai aaj lazzat-e-zakhm-e-jigar kahan

Hum jis pe mar rahe hain wo hai baat hi kuch aur
Alam mein tujhse lakh sahi tu magar kahan

Hoti nahin qubool dua tark-e-ishq ki
Dil chahta na ho to zuban mein asar kahan

‘hali’ nishat nagma-o-mai dhuodhte ho ab
Aye ho waqt-e-subh, rahe rat bhar kahan

0.00 avg. rating (0% score) - 0 votes