Haq wafa ka jo ham jatane lage
Ap kuch kah k muskurane lage

Ham ko jina parega furqat mein
Wo agar himmat azmane lage

Dar hai meri zuban na khul jaye
Ab wo baten bahut banane lage

Jan bachti nazar nahin ati
Gair ulfat bahut jatane lage

Tum ko karna parega uzr-e-jafa
Ham agar dard-e-dil sunane lage

Bahut mushkil hai shewa-e-taslim
Ham bhi akhir ko ji churane lage

Waqt-e-rukhsat tha sakht “hali” par
Ham bhi baithe the jab wo jane lage

0.00 avg. rating (0% score) - 0 votes