Rat ai hai balaon se rihai degi
Ab na divar na zanjir dikhai degi

Vaqt guzra hai par mausam nahin badla yaro
Aisi gardish hai zamin khud bhi duhai degi

Ye dhundalaka sa jo hai us ko ganimat jano
Dekhna phir koi surat na sujhai degi

Dil jo tutega to ik tarfa tamasha hoga
Kitne ainon main ye shaql dikhai degi

Sath ke ghar main bara shor barpa hai ‘anwar
Koi ayega to dastak na sunai degi

0.00 avg. rating (0% score) - 0 votes