Aansuon se dhuli khushi ki tarah,
Rishtey hotey hain shayari ki tarah,

Door reh kar bhi hoon issi ki tarah,
Chaand se door chandni ki tarah,

Khoobsurat, udaas, khaufzada,
Woh bhi hai beesween sadi ki tarah,

Jab bhi kabhi badlon mein ghirta hai,
Chand lagta hai aadmi ki tarah,

Hum khuda ban ke ayen ge warna,
Hum se mil jao aadmi ki tarah,

Sab nazar ka fareb hota hai,
Koi hota nahin kissi ki tarah,

Janta hoon ke aik din mujh ko,
Woh badal de ga diary ki tarah,

Aarzu hai ke koi sher kahoon,
Khoobsurat teri gali ki tarah..

0.00 avg. rating (0% score) - 0 votes