Purasish-e-gam kaa shukriyaa, kyaa tujhe aagahii nahin
Tere bagair zindagii dard hai, zindagii nahin

Daur thaa ek guzar gayaa, nashaa thaa ek utar gayaa
Ab vo muqaam hai jahaan shikvaa-e-berukhii nahin

Tere sivaa karun pasand kyaa terii qaayanaat mein
Donon jahaan kii neamaten, qeemat-e-bandagii v

Laakh zamaanaa zulm dhaaye, vaqt na vo khudaa dikhaaye
Jab mujhe ho yaqin ki tuu haasil-e-zindagii nahin

Dil kii shaguftagii ke saath raahat-e-mayakadaa gai
Fursat-e-mayakashi to hai, hasarat-e-mayakashii gai

Zakhm pe zakhm khaake ji, apne lahu ke ghoont pii
Aah na kar, labon ko si, ishq hai dillagii nahin

Dekh ke khushk-o-zard phool, dil hai kuchh is tarah malul
Jaise terii khizaan ke baad, daur-e-bahaar hii nahin.

0.00 avg. rating (0% score) - 0 votes