Mohabbat karanevale kam na honge
Teri mahafil mein lekin hum na honge

Zamane bhar ke gham ya ik tera gham
Ye gham hoga to kitne gham na honge

Dilon ke ulajhanen barti rahengi
Agar kuch mashvare baham na honge

Agar tu ittafaqan mil bhi jaye
Teri furqat ke sadamen kam na honge

‘hafeez’ un se main jitana badguman hun
Wo mujh se is qadar barham na honge

0.00 avg. rating (0% score) - 0 votes