Teri talash mein hum jab kabhi nikalate hain
Ik ajanabi ke tarah raste badalate hain

Daraz ho gam-e-hijran ki hasil-e-hijran
Wo hausalen hain jo aagosh-e-gam mein palte hain

Rava nahi hai gam-e-ishq is qadar bhi garoor
Tere bagair bhi duniya ke kam chalte hain

Kabhi jo had se barhi un ke yaad to samajhe
Ki un ke dil mein bhi kuch valvale machalate hain

Shab-e-firaq kuch aisi bhi teergi to nahi
Kabhi kabhi sar-e-mizgan charag jalate hain

Ab un ke gham se bhi maharum ho na jayen kabhi
Wo janate hain ki is gham se dil bahalate hain

0.00 avg. rating (0% score) - 0 votes