Sarapa Ashk Hoon Main Ab Bikhar Jaoon To Behter Hai
Jidhar Jaate Han Ye Baadal Udhar Jaoon To Behter Hai

Ye Dil Kehta Hai Tere Shehr Me Kuch Din Thehr Jaoon
Magar Halaat Kehte Han Ke Ghar Jaoon To Behter Hai

Dilon Me Farq Ayen Ge Talluq Toot Jaaye Gey
Jo Dekha, Jo Suna Us Se Mukar Jaoon To Behter Hai

Yahan Hai Kon Mera Jo Mujhe Samjhae Ga Mohsin
Mai Koshish Kr Ke Ab Khud Hi Sudhar Jaoon To Behter Hai

0.00 avg. rating (0% score) - 0 votes