Sehar kay khwab ka mujh par asar kuch der rehnay do
Kisi kay haal ki mujh ko khabar kuch der rehnay do

Juray hain in say nadidah puranay baam o darwazay
Naye shahron mein yeh weeran ghar kuch der rehnay do

Kahin guzray huye aiyam phir wapis na aajayein
Dil hai khof mein is ka khatar kuch der rehnay do

Saba kis rung say baghon mein chalti ser karti hai
Isay is apni dhun mein be khabar kuch der rehnay do

Monir is aalam roshan mein rehna aur khush rehna
Abhi is din say aagay ka safar kuch der rehnay do

4.50 avg. rating (79% score) - 2 votes