Shabe mahtaab nay shah nasheen peh ajeeb gul sa khila dia
Mujhe yun laga kisi hath nay meray dil peh teer chala dia

Koi aisi baat zaroor thi shab e wada woh jo na aasaka
Koi apna waham tha darmiyan ya ghata nay is ko dara dia

Yahi aan thi meri zindagi, lagi aag dil mein to uf na ki
Jo jahan mein koi na kar saka woh kamal kar kay dikha dia

Yeh jo laal rung patang ka sar e aasman hai ura hua
Yeh chiragh dast e hina ka hai jo hawa mein is nay jala dia

Mere pas aisa talsam hai, jo kayi zamanon ka ism hai
Usay jab bhi socha bola lia, usay jo bhi chaha bana dia.

0.00 avg. rating (0% score) - 0 votes