Yaad aataa hai roz o shab koi
Hum se rutha hai be sabab koi
Lab e joo chhaaon me darakhton ki
Woh mulaaqaat thi ajab koi!!
Jab tujhe pahli baar dekhaa tha
Woh bhi tha mausam e tarab koi
Kuchh khabar le k teri mahfil se
Door baitha hai jaan ba lab koi
Na gham e zindagi na dard e firaaq
Dil men yunhi si hai talab koi
Yaad aati hain door ki baaten
Pyaar se dekhta hai jab koi
Chot khaayi hai baarhaa lekin!
Aaj to dard hai ajab koi
Jin ko mitna tha mit chuke ‘nasir’
Un ko ruswaa kare na ab koi

0.00 avg. rating (0% score) - 0 votes