Kamal-e-zabt ko khud bhi to aazmaungi
Main apne haath se us ki dulhan sajaungi

Sapurd kar ke use chandni ke hathon main
Apne ghar ke andheron ko lautaun gi

Badan ke karb ko vo bhi samajh na payega
Main dil main roungi ankhon main muskuraungi

Vo kya gaya ke rafaqat ke sare lutf gaye
Main kis se rooth sakungi, kise manaungi

Vo ik rishta-e-benam bhi nahin lekin
Main ab bhi us ke isharon pe sar jhukaungi

Bicha diya tha gulabon ke sath apna wajood
Wo so ke uthe to khawbon ki raakh uthaungi

Ab us ka fan to kisi aur se mansoob hua
Main kis ki nazm akele men gun-gunaungi

Javaaz dhoond raha tha naye muhabbat ka
Vo keh raha tha ke main us ko bhool jaungi

Sama’aton main ghanay jungalon ki sansain hain
Main ab kabhi teri aavaz sun na paungi

0.00 avg. rating (0% score) - 0 votes