Aisa Nahi Ke Hum Ko Mohabbat Nahi Mili
Jaisi Chahte the Hum Ko Woh Ulfat Nahi Mili

Milne Ko Zindagi Mein Kai Hamsafar Mile
Par Un Ki Tabiat Se Tabiat Nahi Mili

Chehron Mein Doosron Ke Tumhein Dhondhte Rahe
Soorat Nahi Milli Kahin Seerat Nahi Mili

Bahut Der Se Aaye Tu Mere Paas Kiya Kahoon
Alfaaz Dhondne Ki Bhi Mohlat Nahi Mili

Tujh Ko Gila Raha Ke Tawajah Na Di Tujhe
Lekin Hamein Khud Apni Mohabbat Nahi Mili

Har Shakhs Zindagi Mein Bahut Der Se Mila
Koi Bhi Cheez Waqat-e-Zaroorat Nahi Mili

0.00 avg. rating (0% score) - 0 votes