Aankhon ka rang baat ka lehja badal gya

Woh shakhas aik shaam mein kitna badal gya

Kuch din to mera akas raha ainy pe naqsh

Phir youn hoa khud mera chehra badal gya

Jab apny apny haal pe hum tum nah reh saky

To kya hoa hum se zamana badl gya

Qadmon taly jo rait bichi thi woh chal pari

Us ne churaya hath to sehra badl gya

Koi bhi cheez apni apni jagh par nah rahi

Jaty hi aik shakhas ke kya kya badl gaya

0.00 avg. rating (0% score) - 0 votes