goonge labon pe harf e tamanna kia mujhe
kis kor chashm shab me sitara kia mujhe

zakhm e hunar ko samjhe hue he gul e hunar
kis sheher e na sapas me peda kia mujhe

jab harf na shanas yahan lafz fehem hen
kiun zauq e sher de ke tamasha kia mujhe

khushbu he,chandni he,lab e ju he or main
kis be panah rat me tanha kia mujhe

di tashnagi khuda ne to chashme bhi de dye
seene me dasht,aankhon me darya kia mujhe

main yun sanbhal gai ke teri bewafai ne
be atbarion se shanasa kia mujhe

wo apni ak zaat me kul kainat tha
dunya ke har fraib se milwa dia mujhe

oron ke sath mera taaruf bhi jab hua
hathon me hath le ke wo socha kia mujhe

beete dinon ka aks na aenda ka khyal
bas khali khali aankhon se dekha kia mujhe

0.00 avg. rating (0% score) - 0 votes